LP - Lila, Kahel, Asul at Pula

Mga ka-LP, kumusta na? Hindi ako nakasali noong mga nakaraang linggo kaya eto at pinag-isa ko ang lahok para sa apat na Linggo.

Hindi ako mahilig sa ube cake pero noong naging OFW ako, lagi akong bumibili doon sa Pinay na na gumagawa ng made-to-order na ube cake kasi pinoy na pinoy sya. Kapag pasko ito rin ang ipinapalit ko sa tradisyonal na halayang ube. Yong unang larawan, halaya ang icing nya kaya parang may halayang ube na rin kami kapag pasko. Yong pangalawang larawan naman ay bigay sa amin yan noong pasko. Pareho silang masarap.

Ito ang kulay-kahel na sand dunes sa Dubai. Noong 2006, nag sand dunes bashing kami sa Dubai na talaga namang kakaibang experience. Nakakalungkot lang kasi ang daming kalat na naiiwan ng mga turista sa disyerto gaya ng water bottles. Noong December 2007, nag sand dunes bashing din kami dito sa Qatar. Pero hindi mala-kahel ang buhangin sa Qatar, mas maputla.

Ito ay isang kite na ginagamit sa kite surfing. Magandang pagmasdan ang grupo ng surfers kapag sila ay nagsu-surf. Nakaka-aliw ang kanilang pag-glide ayon sa ihip ng hangin.

Ang pulang gumamela na ito ay sya na atang pinaka-karaniwang variety ng gumamela na makikita kahit sa text books. Sinasabing ang gumamela ay complete flower dahil lahat ng parte ng isang bulaklak ay meron sya kaya sya ang pinag-aaralan sa science kapag parts of flower na ang lesson.

Alin ang nagustuhan nyo sa apat na litrato?

Bisitahin ang iba pang miyembro ng Litratong Pinoy.